ಇಲ್ಲಿ ಆಯ್ದುಕೊಂಡಿರುವ ನಾಲ್ಕು ಯುರೋಪಿಯನ್ ಅಭಿಜಾತ ಕೃತಿಗಳ ಕಾಲ ದೇಶಗಳು ಬೇರೆ ಬೇರೆ. ಈ ಕೃತಿಗಳನ್ನು ಅಮರಪ್ರೇಮ ಸೂಸುವ ಕಾದಂಬರಿಗಳೆಂದು ಗುರುತಿಸುವುದು ವಾಡಿಕೆ. ಒಂದೊಂದು ಕೃತಿಯೂ ತನ್ನದೇ ವಿಶಿಷ್ಟತೆಯನ್ನು ಹೊಂದಿದೆ. ಈ ಕಾದಂಬರಿಗಳ ಕಾವ್ಯಶಕ್ತಿ, ಪ್ರತಿಮಾಲೋಕ ಬೇರೊಂದು ಜಗದ ಅನುಭವವನ್ನು ನೀಡುವಂಥವು. ಇಲ್ಲಿನ ಸನ್ನಿವೇಶಗಳು, ಪಾತ್ರಗಳ ನಡವಳಿಕೆ ಒಮ್ಮೆ ಮನಸ್ಸನ್ನು ಆರ್ದ್ರಗೊಳಿಸುವಂತೆಯೇ ಇನ್ನೊಮ್ಮೆ ಎದೆಯಾಳವನು ಬಗೆದು ಜೀವವನು ಹಿಂಡಬಲ್ಲವು. ಇವುಗಳನ್ನೋದಿ ಮುಗಿಸಿದಾಗ ಉಳಿಯುವ ಗುಂಗು, ದಿನರಾತ್ರಿ, ತಿಂಗಳು, ವರ್ಷಗಳಲ್ಲ, ದಶಕಗಳು ಕಾಡಬಲ್ಲವು.