സർവ്വ ദോഷ ശമനത്തിനും പാപമുക്തിക്കും ആഗ്രഹ സാധ്യത്തിനും ഏറ്റവും ഉത്തമമായ വഴിപാടാണ് അയ്യപ്പന് നെയ്യഭിഷേകം നടത്തുന്നത്. ശനിദോഷ ശാന്തിക്കും ഇത് ഏറ്റവും ഉത്തമമായ വഴിപാടാകുന്നു. വഴിപാടുകാരന്റെ പേരും നാളും ചൊല്ലി ശാസ്തൃസൂക്തം ജപിച്ചുകൊണ്ടാണ് അഭിഷേകം നടത്തുന്നത്. ജന്മ നക്ഷത്രം തോറും ഈ വഴിപാട് നടത്തുന്നത് ജാതക സംബന്ധമായതും ചാരവശാൽ ഉള്ളതുമായ ശനി-രാഹു ദോഷങ്ങൾക്ക് പരിഹാരമാണ്. ശനിയാഴ്ചകളിൽ മാത്രമേ ഈ വഴിപാട് ഇപ്പോൾ ലഭ്യമാകൂ.